Reperi nga Shqipëria, Stresi ka bërë një reagim në rrjete sociale për shkak të tensioneve që u krijuan së fundmi në veri.

Ai vjen me një shkrim në InstaStory, ku thekson se çdo njeri që e do Kosovën duhet të jetë në mbështetje të popullit të tyre.

Tutje, 35-vjeçari shton se është gati për të sakrifikuar jetën për të mbrojtur çdo pëllëmbë të Kosovës.

Postimi i plotë i Stresit (pa ndërhyrje):

“Të dashur bashkombas kudo ku jeni në botë.

Kërcënimi serb po bëhet për popullin shqiptar të Kosovës. Çdo njeri që e do këtë komb duhet të jetë në mbështetje të vëllezërve tanë se jemi të një gjaku.

Unë në këto momente që po ju shkruaj jemi gati 20 mijë veta nga mosha 18 – 35 vjeç të sakrifikojmë jetën tonë për të mbrojtur çdo pëllëmbë tokë të Kosovës.

Kosova në rrezik. Kombi në këmbë”.